حنان الأم
 |
| وسام كميل |
حنان الأم الله يا محلاه
من ابجي بس هو اكبالي الكاه
وين ما اروح يراودني ذكراه
وعلكت عليه هواي صعبات
* * *
يا يوم آنا ألج مديون
الدين هواي اوفيه شلون
شماسوي آني ما اكون
حنين مثلج يا أميرة الامهات
* * *
كبرت وانا بهذا طولي
وهم احس نفسي طفولي
من يمه حبيبي تكولي
وتلحنيها بصوت الاهات
* * *
من غبتي عني اصحابي داروني
وبفخر تاج عالراس خلوني
بالطيبه والحنيه يامه اجوني
بس تبقين انتي ام الطيبات
تعليقات
إرسال تعليق